في البدء كانت الكلمة: #تسقط_بس
إلى: الشفاه التي أبدعت ب {تسقط بس}
وين البشير؟
قاعِد أمير؟
أم بيستجير؟
عايزين نشوفو
وين البُروف؟
دَنقَر رَجَف
كوبر قَرَف!
جَرِب ظُروفو
وين حِليَلها؟
نَكَرت حَليلها؟
فَطَرت بَلِيله؟
دَهبِك سُفوفو!
قايد الكتيبه
لَسَعَك لهيبا
داير هِبيبَه؟
عَرَقَك تَعوفو؟
كُوعَك لِحِستو؟
أدمن وَنَستو
عارِف مَغَستو؟
إنك كُفوفو!
وين البِ.. رِبْ.. رِبْ؟
حاوِل وجَرِّب
شرِّق وغرِّب
خَشمَك حُروفو
(حال البَلد)!
ليه ما صمد
في الخوف لَبد
سامِع دفوفو؟
وين خوجلي؟
بان وانجلي
لا؟ بِتِنقلي!
مثواك كهوفو
وين الحرامي؟
خلفي وأمامي؟
جِيب المحامي
بِعرِف صنوفو
وين البلد؟
خَتوهو جَدْ
رِفعة وسَند
حارسين جُروفو
أنا في حِلِم
ولا ف عِلِم
فوق للنجم
نَظَرت ألوفو
معقول عِشِق؟
جُوه ومَرَق
مليون برِق
آه من هَفيفو
كريمان زلفو
21 أبريل 2019م
No comments:
Post a Comment