وإنتِ طيبة...إنتِ طيبة...إنتِ طيبة
بالأناقة،
حِس، زَواقة
واللطافة كان بعيدة أو قريبة
واللباقة
في الملمة صغار، وشيبة
والخضاب، أسود...شفتوا ليكم أسود منور في أنامل؟
ما بجامل
وما عجيبة!
منمنم في حرير بِتِّي الحبيبة
يالبتشهقوا في جمال رِفقة فراس
ده الجمال الطافح من نبتة غِراس
والقياس
بيت وأساس
لقصيدة مكتملة حروف...
ما إقتباس
وإنتِ طيبة...إنتِ طيبة...إنتِ طيبة
يومك بخور صندل في إناء لؤلؤ وماس
كريمان زلفو
١٠ نوفمبر ٢٠٢٠م
No comments:
Post a Comment