أنا البقعة
أنا الليل الطويل
شاله البحر
أنا المفتونة بوقت السحر
@@@
أنا الغمازة فوق الخد
أنا الاستفهام
وما ليه رد
أنا السد وما لى حد
أنا الجد
أنا الماضى وانا الغد
؟؟؟
أنا القامت تحوم
فوقى النجوم
وقتين أنوم
***
أنا الخيل السرح
أنا التوب والطرح
ألوانها أطياف قوس قزح
مال وانطرح
$$$
أنا الشدر الكبار
أنا العز والفخار
أنا الدار
أنا الطار
^^^
III
أنا الما بنبلع
أنا الما بنقلع
أنا الشوكة فى حلق
!!!
أنا الركازة للراكوبة
أنا النوبة
والدرويش مسافر حوبة
واللالوبة
_-_
أنا الموية التبل الجوف
والعفو للعفيف
والغضب البيلمع سيف
>>>
أنا اللامة الغريب
والعنقريب
والرشة
فوق الحوش تطيب
...
أنا البقعة
اللبخيل وجعة
وللكريم شريان
أنا أمدرمان
كريمان زلفو
أغسطس 2007م
